Сайн хооллож, өдөр бүр дасгал хийдэг ч эрч хүчгүй хэвээр байна уу?
2024-05-04
Энэ долоо хоногт бид таны эрч хүчинд нөлөөлж болзошгүй амьдралын хэв маягийн янз бүрийн хүчин зүйлсийг тухайлбал таны хооллолт, стресс, шингэний дутагдал, нойрны чанар зэргийн талаар авч үзэж байна.
Та тогтмол унтаж, дасгал хийж, тэнцвэртэй хооллосон ч гэсэн зовуурь тань сайжрахгүй бол суурь өвчин ч нөлөөлж байж болох юм.
Ядаргаа нь эрүүл мэндийн олон байдалтай холбоотой бөгөөд үүнд:
- Таны биед хангалттай төмөр байхгүй тохиолдолд төмрийн дутагдлын цус багадалт
- Таны хоолой тайвширч таныг унтаж байхад нарийсч эсвэл хаагдаж, амьсгалахад бэрхшээл учруулж буй унтах үеийн амьсгал тасалдалт
- Сэтгэлийн хямрал нь сэтгэцийн эрүүл мэндийн нийтлэг асуудал бөгөөд энэ нь ядаргаа, нойрны асуудалтай холбоотой байж болно.
- Бамбай булчирхайн идэвхгүй байдал.
- Булчирхайн халууралт гэх мэт зарим вирусын халдварууд
Хэрэв та сайн хооллож, өдөр бүр дасгал хийдэг ч гэсэн ядарсаар байгаа бол суурь өвчин нь таны эрч хүчинд нөлөөлж байж болзошгүй эсэхийг эмчтэйгээ ярилцаж судлах хэрэгтэй.
Ядаргааг тайлах илүү олон арга бий:
- Зохистой жингээ бариарай.
Хэрвээ та илүүдэл жинтэй бол таны зүрх илүү их ачааллаж таныг ядраах болно. Зохистой жингээ хадгалах нь таныг илүү эрч хүчтэй болгоно.
- Сэтгэл зүйн эмчилгээнд хамрагдаад үзээрэй.
Зан үйлийн эмчилгээ, ярианы эмчилгээ зэрэг нь стресс, сэтгэл зовнил, сэтгэл гутралаас шалтгаалсан ядаргааг багасгахад тусалж чаддаг нотолгоо ч бий.
Өнөөдрийн эшлэл
Нүд эрүүл бол тэнгэрийн хаяаг ч харж чадах болой. Бид хэчнээн хол харсан ч хэзээ ч ядрахгүй.
Ральф Уолдо Эмерсон, зохиолч, философич